నేటి గద్దర్ న్యూస్ ప్రత్యేక ప్రతినిధి అశ్వాపురం మే 20:
అశ్వాపురం మండలం అమెర్థ కాలనీకి చెందిన ఇరుగు నాగారాజు చిన్న కుమారుడు 7 సంవత్సరాల బాలుడు ఇంటి డాబాపైన ఆడుకుంటున్న సమయంలో 33/ 11కెవి విద్యుత్ తీగలు తగిలి విద్యుత్ షాక్ కు గురైనాడు.బాలుడి తల్లిదండ్రులు హుటాహుటిన భద్రాచలం ప్రయివేటు హాస్పిటల్ కి తీసుకొని వెళ్ళి చికిత్స అందిస్తున్నారు. ప్రస్తుతం బాలుడు ఆరోగ్య పరిస్తితి నిలకడగ ఉందని వైద్యులు తెలిపారు.ఇటువంటి సంఘటనలు పునరావృతం కాకుండా చూడాలని,ఇళ్ళ పై కప్పుల అంచులను తాకుతూ ఉన్న 11 కెవి విద్యుత్ సరఫరాను మార్చాలని గతంలో కుటుంబ సభ్యులు అధికారులకు తెలియజేసిన పట్టించుకోలేదని, ఇప్పటికైనా సంబంధిత అధికారులు దీని పై దృష్టి సారించి మా ప్రాణాలను కాపాడాలని బాధితులు వేడుకుంటున్నారు.విద్యుత్ శాఖ అధికారుల నిర్లక్ష్యమే దీనికి కారణమని కుటుంబ సభ్యులు ఆరోపిస్తున్నారు.
