నేటి గద్దర్ న్యూస్ ,జూలూరుపాడు:
మండల పరిధిలోని కొమ్ముగూడెం గ్రామం భూక్య బాబులాల్ అనే రైతుకు చెందిన దుక్కిటెద్దు విద్యుత్ ఘాతానికి మరణించింది. గ్రామ సమీపంలో పంట పొలాల్లో గాలివాన కారణంగా విద్యుత్ తీగ కింద పడింది. మేత కోసం అటువైపు వెళ్లిన మూగజీవి ప్రమాదవశాత్తు తెగిపడిన కరెంటు తీగకు తగలడంతో అక్కడికక్కడే మృతి చెందింది. మృతి చెందిన దుక్కిటెద్దు విలువ సుమారు లక్ష నలభై వేయిలకి పైగా ఉంటుంది. విషయం తెలుసుకున్న విద్యుత్ శాఖ ఇంజనీర్ సతీష్, పశువైద్యాధికారి డాక్టర్ బద్దులాల్, ఆ శాఖలకు చెందిన సిబ్బంది హుటాహుటిన సంఘటనా స్థలానికి వెళ్లి విచారణ చేపట్టారు.
