ఘనంగా Jr. NTR పుట్టినరోజు వేడుకలు
– అనాధ ఆశ్రమంలో నిత్యవసర వస్తువులు పంపిణీ
నేటి గదర్, మే 20, ప్రత్యేక ప్రతినిధి :
Young Tiger jr.NTR పుట్టినరోజు వేడుకలను అనంతపూర్ జిల్లా నార్పల మండలంలోని Jr. ఎన్టీఆర్ అభిమానులు ఘనంగా నిర్వహించారు. తమ అభిమానం హీరో పుట్టినరోజు సందర్భంగా శ్రీ సత్యసాయి ధ్యాన మండలి బాలబాలికల అనాధ ఆశ్రమంలోని పిల్లలకు కావాల్సిన నిత్యవసర వస్తువులు, స్వీట్స్ అందజేశారు. ఎన్టీఆర్ పుట్టినరోజు సందర్భంగా ఏర్పాటు చేసన ప్రత్యేక కేకును వారి అభిమానులు కటింగ్ చేసి సంబరాలు జరుపుకున్నారు. ఈ సందర్భంలో ఎన్టీఆర్ అభిమానులు మాట్లాడుతూ… జూనియర్ ఎన్టీఆర్ అత్యున్నత వ్యక్తిత్వం కలిగిన వ్యక్తి అని, ఆయన అభిమానులుగా ఉన్నందుకు గర్వంగా ఉందన్నారు. ఎన్టీఆర్ సినిమాలను గ్లోబల్ రేంజ్కి తీసుకువెళ్లి గ్లోబల్ స్టార్ అయ్యారని పేర్కొన్నారు. జూనియర్ ఎన్టీఆర్ కు సినీ రంగంలో ఇంకా మంచి గుర్తింపు రావాలని కోరుకుంటూ, ఆయనకు జన్మదిన శుభాకాంక్షలు తెలిపారు. ఈ కార్యక్రమంలో ఎన్టీఆర్ అభిమానులు సాయి, నరసింహ, హర్ష, ఇస్మాయిల్, రాఘవ, శ్రీధర్, ఖాసీం, కార్తిక్ తదితరులు పాల్గొన్నారు.
