నేటి గదర్, జూన్ 9, భద్రాద్రి కొత్తగూడెం జిల్లా ప్రతినిధి :
భద్రాద్రి కొత్తగూడెం జిల్లాలోని వేపలగడ్డ అబ్దుల్ కలాం కళాశాలలో ఆదివారం ఉదయం 10 గంటల నుండి ప్రారంభమైన గ్రూప్-1 ప్రిలిమినరీ పరీక్ష నేపథ్యంలో జిల్లా ఎస్పీ రోహిత్ రాజు ఐపిఎస్ పరీక్షా కేంద్రాన్ని పరిశీలించారు. అక్కడ విధులలో ఉన్న అధికారులు, సిబ్బందికి పలు సూచనలు చేశారు. కొత్తగూడెం, పాల్వంచలోని 21 పరీక్షా కేంద్రాలలో ప్రశాంతంగా ఈ పరీక్ష కొనసాగుతుందని తెలిపారు. పరీక్షా కేంద్రాల పరిసర ప్రాంతాల్లో 144 సెక్షన్ ను అమలు చేస్తూ పటిష్టమైన బందోబస్తు ఏర్పాటు చేయడం జరిగిందని అన్నారు.
