★మహిళా సంఘాల సభ్యులకు లోన్ బీమా
నేటి గదర్, ములుగు జిల్లా ప్రతినిధి, కౌశిక్ , జూన్ 17:
స్వయం సహాయక సంఘాల్లో సభ్యులుగా ఉన్న మహిళలకు ఆపన్న హస్తం అందించేందుకు రాష్ట్ర ప్రభుత్వం ముందుకొచ్చింది. మహిళా గ్రూపులో సభ్యురాలిగా ఉండి లోన్ తీసుకున్న మహిళ ఏదైనా కారణంతో చనిపోతే.. ఆ లోను మొత్తం మాఫీ అయ్యేలా వారి పేరిట బీమా చేయించాలని నిర్ణయించింది. మహిళలపై భారం పడకుండా ఈ ప్రీమియం మొత్తాన్ని ప్రభుత్వమే భరించేందుకు. ఇప్పటికే రూ.50.41 కోట్లు మంజూరు చేసింది. అంతేగాక, ఈ బీమా ప్రయోజనాలను ఈ ఏడాది మార్చి 14 నుంచే వినియోగించుకునే వెసులుబాటు కల్పించింది. బ్యాంకు లింకేజీ లోన్లతోపాటు స్త్రీనిధి లోన్లకు కూడా ఈ లోన్ బీమా వర్తించనుంది. క్షేత్ర స్థాయిలో బీమా క్లెయిమ్ చేసే విధానంపై అప్పటికే సెర్చ్, మెప్మా సిబ్బందికి గైడ్ లైన్స్ అందాయి.
64.35 లక్షల మంది మహిళలకు లబ్ధి రాష్ట్రవ్యాప్తంగా గ్రామీణ పేదరిక నిర్మూలన సంస్థ (సెర్చ్) పరిధిలోని 4,30,358 స్వయం సహాయక సంఘాల్లో 46.46 లక్షల మంది మహిళలు సభ్యులుగా ఉండగా, పట్టణ పేదరిక నిర్మూలన సంస్థ( మెప్మా) పరిధిలోని 1.78 లక్షల గ్రూపుల్లో కలిపి 17.89 లక్షల మంది సభ్యులున్నారు. వీరందరికి లోన్ బీమా/ప్రమాద బీమా/ స్త్రీనిధి సురక్ష బీమా వర్తించనుంది . చిరు వ్యాపారాలు నిర్వహించుకునేందుకు మహిళా గ్రూపులకు బ్యాంకులతోపాటు స్త్రీనిధి రుణాలు ఇస్తున్న విషయం తెలిసిందే. అయితే, ఈ రుణాలు తీసుకున్నవారిలో కొందరు మహిళలు ఏదైనా అనారోగ్యం లేదా ప్రమాదవశాత్తూ మరణించినప్పుడు వారి వాటా ధనం చెల్లించడం సమస్యగా మారుతోంది. గ్రూపుగా తీసుకున్న లోన్ ను గ్రూపుగానే చెల్లించాల్సి ఉంటుంది. మృతురాలి కుటుంబ సభ్యులు లోన్ కిస్తీ చెల్లించేందుకు ముందుకు రాకపోవడంతో గ్రూపులోని మిగతా సభ్యులపై ఆ భారం పడుతోంది. చనిపోయిన మహిళ వాటా ధనం తీసేసి తమ లోన్ కిస్తీని చెల్లించేందుకు మిగతా సభ్యులు వెళ్తే బ్యాంకు
ఆఫీసర్లు తీసుకోవడం లేదు. దీంతో గ్రూప్ మొత్తం కిస్తీలు చెల్లించడం ఆపేయడంతో అ గ్రూప్ఎన్ పీఏ జాబితాలోకి వెళ్తుంది. ఈ సమస్య నుంచి మహిళల ను బయటపడేసేందుకే రాష్ట్ర ప్రభుత్వం లోన్ బీమా స్క్రీమ్ను అమల్లోకి తెచ్చింది.
రూ.2 లక్షల వరకు రుణ మాఫీ… రూ.10 లక్షలు ప్రమాద బీమా..
ఈ సీమ్లో భాగంగా లోన్ తీసుకున్న మహిళలు ఎవరైనా ఏ కారణంతో చనిపోయినా వారు తీసు కున్న లోన్ రూ.2 లక్షల వరకు మాఫీ కానుంది. ప్రస్తుతం గరిష్టంగా ఒక్కో మహిళకు బస్తున్న లోని రూ.2 లక్షలు మాత్రమే. దీంతో మిగతా సభ్యులు తమ కిస్తీలు చెల్లిస్తే సరిపోతుంది. చనిపోయిన మహిళ బ్యాంకు లింకేజీరుణం, స్త్రీనిధి లోన్ రెండూ తీసుకుని ఉంటే మాత్రం ఒక లోన్ మాత్రమే మాఫీ కానుంది. అలాగే ప్రమాదవశాత్తూ మహిళా గ్రూపు సభ్యురాలు చనిపోతే యాక్సిడెంటల్ బీమా కిందరూ.10 లక్షలు:
మృతురాలి కుటుంబానికి చెల్లించనున్నారు.
మహిళలకు బీమాను ఎత్తేసిన బీఆర్ఎస్ సర్కార్ తెలంగాణ ఏర్పాటుకు ముందు ఉమ్మడి ఏపీలో కాంగ్రెస్ సర్కార్ హయాంలో డ్వాక్రా గ్రూపుల్లోని మహిళలంతా అభయ హస్తం స్కీమ్లో ఉండేవారు. వారికి ఆమ్ ఆద్మీ బీమా యోజన వర్తించేది. ఈ పథకంలో ఉన్న మహిళ లేదా ఆమె భర్త ప్రమాదవశాత్తూ మరణిస్తే రూ.75 వేలు, సహజ మరణమైతే రూ.30 వేల పరిహారం ఇచ్చేవారు. అంత్యక్రియలకు మరో రూ.5 వేలు చెల్లించేవారు. సభ్యుల పిల్లలకు 9వ తరగతి నుంచి ఇంటర్ వరకు రూ.1,200 స్కాలర్ షిప్ కూడా అందించేవారు. కానీ, బీఆర్ఎస్ సర్కార్ రెండోసారి అధికారంలోకి వచ్చాక ఈ స్కీమ్ రద్దు చేసింది. దీంతో మహిళా సంఘాల సభ్యులు గానీ, వారి భర్తలు గానీ మరణి స్తే పరిహారం అందలేదు. కాంగ్రెస్ అధికారంలోకి వచ్చాక లోన్ బీమాను అమలు చేయడం జరిగింది.
