– సినిమా టికెట్ల దోపిడీని అరికట్టండి
– ఏజెన్సీ చట్టాలకు విరుద్ధంగా నిర్వహణ
– అద్వాన్నంగా సినిమా ధియేటర్స్
– అధికారులు చర్యలు తీసుకోవాలి
– ఎస్ కె అజీమ్, ప్రధాన కార్యదర్శి, టీడీపీ మహబూబాబాద్ పార్లమెంట్ నియోజకవర్గం
నేటి గదర్, జూన్ 26,
భద్రాద్రి కొత్తగూడెం జిల్లా ప్రతినిధి,
అలవాల వంశి 9052354516 :
భద్రాచలంలో ఈ నెల 27న రిలీజ్ అవ్వబోతున్న కల్కి సినిమాకు ఎప్పుడు లేని విధంగా హైదరాబాదులో ఐమాక్స్ థియేటర్లో రేటు కన్నా ఎక్కువగా రూ.375లు ఒక షోకు తీసుకుంటూ అభిమానులను అడ్డగోలుగా దోచుకుంటున్నారని టీడీపీ మహబూబాబాద్ పార్లమెంట్ నియోజకవర్గం ప్రధాన కార్యదర్శి ఎస్ కె అజీమ్ ఆరోపించారు. బుధవారం భద్రాచలం ఆర్డీవో కార్యాలయంలో సినిమా టికెట్లపై అధిక రేట్లు తగ్గించాలని, సినిమా థియేటర్ యాజమాన్యాలు ఏజెన్సీ చట్టాలకు అనుగుణంగా థియేటర్ నడిపించాలని తదితర సమస్యలతో కూడిన వినతి పత్రాన్ని ఆర్డీవో కి అందజేశారు. అనంతరం ఆయన మాట్లాడుతూ… ఏజెన్సీ ప్రాంతంలో ఏజెన్సీ నిబంధనలకు విరుద్ధంగా థియేటర్ యజమానులు ఇష్టం వచ్చినట్లు రేట్లు పెంచుతున్నారని మండిపడ్డారు. సామాన్య మానవుడు అభిమాన హీరో సినిమా చూడాలంటే రూ.375లు అంటే అసలు చాలామందికి సాధ్య పడదు తెలంగాణ గవర్నమెంట్ విడుదల చేసిన జీవోలో 75 రూపాయలు పెంచమని ఉంది కానీ నిబంధనలకు విరుద్ధంగా భద్రాచలం థియేటర్ యజమానులు 375 రూపాయలు పెంచడం జరిగిందని, అదే కాకుండా ఆన్లైన్లో పెడుతున్నారంటే పేర్కొన్నారు. దీంతో అదనంగా రూ.30లు చెల్లించాల్సి వస్తుందని అన్నారు. థియేటర్లు చూస్తే అంతంత మాత్రమే, పేరుకు మాత్రమే ఏసిగా, ఏసీ హాల్లో కనీసం గాలి కూడా రాని పరిస్థితి, ఘోరమైన సీట్లు ఏర్పాటు నెలకొని ఉన్నాయని వెల్లడించారు. సీట్ మీద కూర్చుంటే చేతులకు, కాళ్ళకి దెబ్బలు తలిగే దుస్థితి స్థానికంగా నెలకొనే ఉందని ఆరోపించారు. టాయిలెట్లు అద్వాన్నంగా ఉన్నాయని మండిపడ్డారు. భద్రాచలంలో ఆన్లైన్లో టికెట్స్ విక్రయం వ్యవస్థను తీసివేసి, టికెట్లు బుకింగ్ లోనే అమ్మాలని, ప్రభుత్వం నిర్ణయించిన సాధారణ రేట్లకు టికెట్లు విక్రయించాలని ఆయన డిమాండ్ చేశారు. అధికారులు భద్రాచలం సినిమాహాల్స్ ను తనికీ చెయ్యాలని, తగు విచారణ చేపట్టాలి, అభిమానులకు జరుగుతున్న అన్యాయంను అరికట్టాలి ఆయన కోరారు.
