★ఆ దంపతులకు శాలువా తో సత్కారం
★ ఎంత ఎదిగిన ఒదిగి ఉండే ఎన్నారై కునారపు ప్రసాద్ ఆదర్శం
★చిన్న నాటి స్నేహితులు
నేటి గదర్ ,పినపాక. జూన్ 30: దోస్త్ మేరా దోస్త్ తు హై మేరీ జాన్ వాస్తవం ర దోస్త్ నువ్వే నా ప్రాణం బ్రతుకు తీపి పాటలో మధుర స్వరాలం మనం స్నేహమనే మాటలో చెరో అక్షరం మనం రాసారు స్నేహం కోసం అనే లిరిక్స్ సినీ రచయిత భువన చంద్ర. దాని గురుతు చేస్తూ… ఎల్లలు దాటుకోని
యూఎస్ నుండి స్వగ్రామానికి తిరిగి వచ్చిన ఎన్ఆర్ఐ కూనారపు ప్రసాద్ తన స్వగ్రామమైన భద్రాద్రి కొత్తగూడెం జిల్లా పినపాక మండలం తోగూడెం పంచాయతీ గోపాలరావుపేటలో వారి ఇంట్లో చిన్ననాటి స్నేహితులతో కలిసి ఆత్మీయ పలకరింపు కార్యక్రమాన్ని ఏర్పాటు చేశారు. ఇండియాకి తిరిగి వచ్చిన ప్రసాద్ దంపతులకు స్నేహితుల శుభాకాంక్షలు తెలిపి గిఫ్ట్లు అందించారు. ఒకరినొకరు ఆత్మీయంగా పలకరించుకుంటూ మిఠాయిలు తినిపించుకున్నారు. ఈ సందర్భంగా ఎన్ఆర్ఐ ప్రసాద్ స్నేహితులు తమ బాల్య జీవితాన్ని గుర్తు చేసుకున్నారు. తమలాగే ఆటలు పాటలలో ముందుండే ప్రసాద్ చదువులో కూడా అంతే ఇష్టంగా చదివే వారిని గుర్తు చేశారు. ఆ రోజుల్లో కష్టమైన ఎంట్రెన్స్లు రాసి సీట్లు సాధించారని గుర్తు చేసుకున్నారు. ఎన్నో కష్టాలను ఎదుర్కొని ఉన్నత చదువులు పూర్తి చేసి ఆ రోజుల్లో అగ్రరాజ్యం అమెరికాకు వెళ్లారని గుర్తు చేశారు. అక్కడ సైతం తను జాబ్ చేస్తూనే ఓ కంపెనీ నెలకొల్పి మరి కొంతమందికి తన కంపెనీలో ఉపాధి కల్పిస్తున్న ఎన్ఆర్ఐ కూనరపు ప్రసాద్ దంపతులు ఆదర్శమన్నారు. అలాగే మాతృదేశంపై ప్రేమతో ఇండియాకు వచ్చిన ప్రతిసారి పలు సామాజిక కార్యక్రమాలు నిర్వహిస్తూ కష్టాల్లో ఉన్నవారికి ఆర్థిక సాయం చేసే మానవతా మూర్తి ప్రసాద్ తమ స్నేహితుడు కావడం గర్వంగా ఉందని చెప్పుకొచ్చారు . అలాగే తమ స్నేహితులలో ఒకరైన ప్రసాద్ ఉన్నత చదువులు చదువుకొని భవిష్యత్తుకు బంగారు బాటలు వేసుకున్న తమ స్నేహితుని విజయ గాథ ని తమ పిల్లలకు సైతం నూరిపోవడం జరుగుతుందని తెలిపారు. డబ్బులు సంపాదిస్తే తల పొగరున్న నేటి రోజుల్లో NRI కూనరపు ప్రసాద్ ఇండియా కు వచ్చిన ప్రతి సారి తన చిన్ననాటి దోస్తులను కలిసి వారో తో ఓ రోజు కలిసి అందరూ కలిసి చిన్ననాటి స్మృతులను నెమర వేసుకుంటామని తెలిపారు. అంతటి ఉన్నత వ్యక్తిత్వం ఉన్న వ్యక్తి తమ స్నేహితుడు కావడం గర్వకారణం అన్నారు. తమ స్నేహితుడు NRI ప్రసాద్ భవిష్యత్తులో మరింత ఉన్నత శిఖరాలకు చేరుకోవాలని ఆకాంక్షించారు. ఈ కార్యక్రమంలో చిన్ననాటి స్నేహితులు నిమ్మ లింగారెడ్డి,బండారు నరేంద్ర, చిర్రా ఉప్పలయ్య, కొంపెల్లి మల్లేష్, శ్రీనివాస్, నట్టి వీరబాబు. ఓలాద్రి రాజిరెడ్డి, భాగి అశోక్. పూస శ్రీను. సృజన. తదితరులు పాల్గొన్నారు.
