★పొద్దున్న ఉక్క పోత
★సాయంత్రం వర్షం
★ వాతావరణం మార్పులతో ఉక్కిరిబిక్కిరి అవుతున్న ప్రజానీకం
★ఆరుద్ర ఉరిమితే ఆరు వానలు పడతాయట
★ సాగుపై రైతన్న ధీమా
నేటి గదర్ న్యూస్,పినపాక: గత కొద్దిరోజులుగా వాతావరణం లో విచిత్ర పరిస్థితులు చోటు చేసుకుంటున్నాయి. రాత్రిలు వర్షం కురిస్తే మధ్యాహ్నం వరకు ఉక్క పోత.. ఆ తర్వాత వర్షం. ఇది కొద్దిరోజులుగా మండలంలో వాతావరణ పరిస్థితులు. ఈనేపథ్యంలోనే శుక్రవారం సైతం మధ్యాహ్నం వరకు ఉక్కపోతతో ప్రజలు, రైతులు ఇబ్బందులు పడ్డారు. వ్యవసాయ పనులకు వెళ్లిన కూలీలు సైతం ఉక్కపోత తట్టుకోలేక ఇబ్బందులు పడ్డట్లు తెలిపారు. సాయంత్రం వర్షం కురుస్తుంది. ఈ విచిత్ర వాతావరణ పరిస్థితులపై ప్రజలు చర్చించుకుంటున్నారు.కాగా ఏదిఏమైనప్పటికీ ఆరుద్రలో వర్షం అమృతం తో సమానం.. ఆరుద్ర ఉరిమితే ఆరు వానలు పడతాయని రైతులు ధీమా వ్యక్తం చేస్తున్నారు.
