సీఎం రేవంత్ రెడ్డికి రైతుల ఉసురు తగులుతుంది :బీజేపీ

రామాయంపేట (నేటి గదర్ ప్రతినిధి) జూలై 20:సీఎం రేవంత్ రెడ్డికి రైతుల ఉసురు తగులుతుంది అని బీజేపీ నాయకులు ఆగ్రహం వ్యక్తం చేశారు.బీజేపీ రామాయంపేట పట్టణ శాఖ ఆధ్వర్యంలో శనివారం మీడియా సమావేశం ఏర్పాటు చేశారు.ఈ సందర్భంగా వారు మాట్లాడుతూ ఏదైతే కాంగ్రెస్ ప్రభుత్వం రెండు లక్షల రైతురుణం ఏకకాలంలో మాఫీ చేస్తా అని చెప్పిందో దానిని చేయకుండా ప్రభుత్వం విఫలమైందన్నారు.ప్రజలను మోసం చేస్తు లక్ష రూపాయల వరకు మాఫీ చేసి అది కూడా కొంతమందికి మాఫీ కావడం లేదని తెలిపారు.రైతు భరోసా కింద 15 వేల రూపాయలు ఇస్తా అని చెప్పి ఇప్పటి వరకు ఇవ్వలేని పరిస్థితి ఉందని పేర్కొన్నారు.ఈ వర్షాకాలంలో రైతులకు ఇవ్వకుండా ప్రజలను మోసం చేసి రుణమాఫీతో ప్రజలను మోసం చేస్తున్నారని కావున దీని ప్రజలందరూ గమనిస్తున్నారని పేర్కొన్నారు.కాంగ్రెస్ ప్రభుత్వానికి రానున్న రోజుల్లో కచ్చితంగా ప్రజలు బుద్ధి చెప్తారని అన్నారు.ఈ కార్యక్రమంలో రామాయంపేట పట్టణ బిజెపి అధ్యక్షులు దమ్మయ్యగారి భానుచందర్ ప్రధాన కార్యదర్శి అవినాష్ రెడ్డి ఓబిసి మోర్చా రాష్ట్ర కార్యవర్గ సభ్యులు చింతల శేఖర్ ఓబీసీ మోర్చా జిల్లా ఉపాధ్యక్షులు వేముల రమేష్ భూత్ అధ్యక్షులు భరత్ బాసం అనిల్ కృష్ణ సందీప్ తదితరులు పాల్గొన్నారు.