నేటి గదర్ న్యూస్ కారేపల్లి/టేకులపల్లి:
అక్రమ రవాణా చేసే వారి పట్ల నిరంతరం అప్రమత్తంగా ఉండాలని సీఐ సురేష్ పిలుపునిచ్చారు .
అంతర్జాతీయ మానవ అక్రమ రవాణా వ్యతిరేక దినోత్సవం పురస్కరించుకొని యాక్షన్ ఫర్ ఇంటిగ్రేటెడ్ డెవలప్మెంట్ ( ఏ ఐ డి) సంస్థ ఆధ్వర్యంలో స్థానిక టేకులపల్లి ప్రభుత్వ ఉన్నత పాఠశాల నందు ఏర్పాటుచేసిన అవగాహన కార్యక్రమంలో ముఖ్యఅతిథిగా విచ్చేశారు
ఈ సందర్భంగా మాట్లాడుతూ మానవ క్రమ రవాణా అనేది నానాటికి వివిధ రూపాల్లో మారుమూల గ్రామస్థాయిలో కూడా పెరుగుతుందని ఆందోళన వ్యక్తం చేశారు ముఖ్యంగా మహిళలు బాలికలను ప్రధాన లక్ష్యంగా చేసుకొని వివిధ రూపాల్లో అక్రమ రవాణా చేయడానికి ప్రయత్నిస్తున్నారని తెలిపారు
సామాజిక మాధ్యమాలలో అనగా ఫేస్బుక్ ఇంస్టాగ్రామ్ ట్విట్టర్ చాట్ రూమ్స్ తదితరాలలో మన వ్యక్తిగత వివరాలను పొందుపరచవద్దని అలా చేసినట్లయితే అక్రమ రవాణా దారులకు మనము ఒక అవకాశం ఇచ్చినట్లేనని తెలిపారు.
హెచ్ఎం శ్రీనివాస్ మాట్లాడుతూ పిల్లలు సత్ప్రవర్తనతో మెలిగి మంచి నడవడిక తోటి ఉన్నత విద్యాభ్యాసానికి వెళ్లి జీవితంలో స్థిరపడాలని బోధించారు సెల్ఫోన్ వినియోగాన్ని తగ్గించి పుస్తకాల ద్వారా విజ్ఞానాన్ని పెంపొందించుకోవాలని వేలు కుదిరినప్పుడల్లా ఆరుబయట మైదానంలో ఆడుకుంటూ మానసిక ప్రశాంతతను పొందాలని తెలిపారు సెల్ఫోన్ విరివిరిగా ఉపయోగించడం వల్ల అనేక రకమైన మానసిక శారీరక రుగ్మతలకు లోనవాల్సి వస్తుందని చిన్న వయసులోనే అనేక రకాల ఇబ్బందులు ఎదుర్కొంటే జీవితం అంధకారం అవుతుందని తెలిపారు
యాక్షన్ ఫర్ ఇంటిగ్రేటెడ్ డెవలప్మెంట్ సంస్థ సోషల్ మొబలైజర్ కుటుంబరావు మాట్లాడుతూ అక్రమ రవాణా విస్తరిస్తుందని అక్రమ రవాణా దారులు ఏ రూపంలోనైనా మనమీద దాడి చేయవచ్చు అని తెలిపారు అక్రమ రవాణా చేయడం ద్వారా ఆడపిల్లలను మహిళలను వ్యభిచార వృత్తి లోకి బలవంతంగా నెట్టబడుతున్నారని బాల్య వివాహాలు కూడా అక్రమ రవాణాకు ఒక కారణమని తెలిపారు బాల్య వివాహ నిరూమోలను చట్టాన్ని సమగ్రంగా అమలుపరచినప్పుడే ఆడపిల్లలు చదువుకొని అన్ని రంగాల్లో రాణిస్తారని వారిని ప్రోత్సహించాలని తెలిపారు అదేవిధంగా మానవ అక్రమ రవాణా లో మన శరీరాన్ని అవయవాలను కూడా వేరుచేసి అమ్ముతూ సామాన్య లేక జీవితాలతోటి ఆడుకుంటారని నిరంతరం అప్రమత్తంగా ఉంటూ అనుమానం వస్తే వెంటనే దగ్గరలోని పోలీస్ స్టేషన్ లో తెలియపరచాలి లేదా డైల్ 100 నెంబర్ కు లేదా 1098 కు ఫోన్ చేసి తెలపాలని కోరారు
ఈ కార్యక్రమంలో ఏ ఎస్ ఐ వెంకటేశ్వర్లు, కానిస్టేబుల్స్. ప్రభుత్వ పాఠశాల ప్రధానోపాధ్యాయులు శ్రీనివాస్, ఏఐడీ సంస్థ బాధ్యులు కుటుంబరావు, మాన్ సింగ్ విద్యార్థిని విద్యార్థులు ఇతర సిబ్బంది పాల్గొన్నారు
