నేటి గదర్ న్యూస్,ప్రత్యేక ప్రతినిధి మణుగూరు ఆగస్టు 9:
భద్రాద్రి కొత్తగూడెం జిల్లా ఎస్పీ రోహిత్ రాజ్ ఐపీఎస్ మణుగూరు పోలీస్ స్టేషన్ ను అకస్మికంగా తనిఖీ చేసేందుకు విచ్చేసిన ఎస్పీకి మణుగూరు డిఎస్పి రవీందర్ రెడ్డి పుష్పగుచ్చం అందించి స్వాగతం పలికారు.మణుగూరు పోలీస్ స్టేషన్లో సిబ్బంది ఎస్పీ రోహిత్ రాజ్ కు గౌరవ వందనం చేశారు.అనంతరం ఎస్పీ పోలీస్ స్టేషన్ లో ఉన్న లాకప్ రూమ్ మరియు రికార్డులను తనిఖీ చేశారు.పెండింగ్ లో ఉన్న కేసులను త్వరితగతిన పూర్తి చేయాలని ఆయన కోరారు.స్టేషన్ సమీప ఆవరణను పరిశీలించారు.స్టేషన్ సిబ్బంది యోగక్షేమాలను అడిగి తెలుసుకున్నారు.నూతనంగా నిర్మిస్తున్న పోలీస్ స్టేషన్ ని పరిశీలించారు. ఈ కార్యక్రమంలో డిఎస్పి రవీందర్ రెడ్డి సిఐ సతీష్ కుమార్ ఎస్సైలు,మరియు సిబ్బంది తదితరులు పాల్గొన్నారు.
