రాష్ట్రంలో ఉర్దూ భాష అభివృద్ధికి కృషి చేస్తా.

రాష్ట్రంలో ఉర్దూ భాష అభివృద్ధికి కృషి చేస్తా. నేటి గదర్ న్యూస్, ఖమ్మం జిల్లా ప్రతినిధి, ✍️సతీష్ కుమార్ జినుగు.
ఉర్దూ జర్నలిస్టుల అక్రిడేషన్ల సమస్యను పరిష్కరిస్తా.
వక్ఫ్ భూముల పరిరక్షణకు పాటుపడతా.
ఎమ్మెల్సీ , సియాసత్ ఉర్దూ డైలీ చీఫ్ ఎడిటర్, ఆ మే ర్ అలీ ఖాన్.
ఖమ్మం ఆగస్టు 23 : రాష్ట్రంలో ఉర్దూ భాషాభివృద్ధికి కృషి చేస్తానని ,ఉర్దూ జర్నలిస్టుల అక్రిడేషన్ల సమస్యను పరిష్కరిస్తానని అదేవిధంగా రాష్ట్రంలోని వక్ఫ్ భూముల పరిరక్షణకు పాటు పడతానని ఎమ్మెల్సీ , సియాసత్ ఉర్దూ దినపత్రిక చీఫ్ ఎడిటర్ అమేర్ అలీ ఖాన్ అన్నారు. శుక్ర వారం హైదరాబాదులో గల ఆయన కార్యాలయంలో ప్రముఖ విద్యావేత్త , న్యాయా నిపుణులు మహమ్మద్ అసద్ , ఉర్దూ సీనియర్ జర్నలిస్టు హఫీజ్ జవ్వాద్ అహమ్మద్ , ఫ్రీలాన్స్ జర్నలిస్టు యం డి. షఫీ యు జమ లు కలుసుకొని , ఇటీవల ఎమ్మెల్సీగా ప్రమాణస్వీకారం చేయడం పట్ల శుభాకాంక్షలు తెలిపారు. అనంతరం మహమ్మద్ అసద్ మాట్లాడుతూ రాష్ట్రంలో అన్యాక్రాంత మవుతున్న వక్ఫ్ భూముల పరిరక్షణకు అన్ని జిల్లాలలో సమగ్ర సర్వే నిర్వహించాలని కోరారు. ముస్లిం మైనార్టీ విద్యార్థుల కోసం ఏర్పాటు చేసిన రెసిడెన్షియల్ పాఠశాలలో అనేక మౌలిక సమస్యలు పరిష్కరించాల్సి ఉందని , మైనార్టీ విద్యార్థుల ఈ పాఠశాలలో ఇతర విద్యార్థులతో పాటు సిబ్బంది కూడా ఉండటం మైనార్టీ అనేదానికి అర్థం లేకుండా పోతుంది అన్నారు. ఇందులో ప్రక్షాళన చేయాల్సిన అవసరం ఉందని సూచించారు. కాంగ్రెస్ ప్రభుత్వ హాయంలో నైనా ముస్లిం మైనార్టీలకు రుణాలను అందించాలని విజ్ఞప్తి చేశారు. సీనియర్ జర్నలిస్ట్ హఫీజ్ జవ్వాద్ అహ్మద్ మాట్లాడుతూ రాష్ట్రంలో రెండవ అధికార భాషగా ఉర్దూ కొనసాగుతున్నప్పటికీ ప్రత్యేకంగా ఉర్దూ భాషాభివృద్ధికి ఎలాంటి చర్యలు పాలకులు తీసుకోవడం లేదని చెప్పారు. అదేవిధంగా తెలుగు భాషా పత్రికల తో పాటు సమానంగా ఉర్దూ భాష పత్రికలలో పనిచేసే జర్నలిస్టులకు కూడా సమాన స్థాయిలో అక్రిడేషన్లను పంపిణీ చేసే విధంగా చూడాలన్నారు. వీరి డిమాండ్లపై స్పందించిన అమేర్ అలీ ఖాన్ పై విధంగా స్పందించారు. వీటితోపాటు ముస్లిం మైనార్టీలలో పెరుగుతున్న నిరుద్యోగత పై కూడా దృష్టి సారించాలన్న విజ్ఞప్తి పట్ల ఆయన ఈ సమస్యల సాధనకు ఒక దీర్ఘకాలిక ప్రణాళిక అవసరం ఉందన్నారు. తన పదవీకాలం సుమారు ఆరేళ్ల వరకు ఉంటుందని , అప్పటివరకు ఈ సమస్యలు మొత్తం చిత్తశుద్ధితో కృషి చేస్తానని అమేర్ అలీ ఖాన్ హామి నిచ్చారు. ఈ సందర్భంగా మహమ్మద్ అసద్ , హఫీజ్ జవ్వాద్ అహమ్మద్, యం డి. షఫీ యు జమ లు అమేర్ అలీ ఖాన్ ను పూలమాలలతో , శాలువ కప్పి సత్కరించారు.