నేటి గద్దర్ న్యూస్ ప్రత్యేక ప్రతినిధి మణుగూరు ఆగస్టు 27:
మణుగూరు మండలం పగిడేరు గ్రామపంచాయతీ పరిధిలోని ఎస్టీ కాలనీకీ చెందిన కొర్స బుచ్చయ్య (80)సం వృద్ధుడు ఎస్టీ కాలనీ సమీపంలోని తన పత్తి చేను వద్దకు మంగళవారం పత్తి చేను చూసేందుకు భార్యతో వెళ్లాడు.మద్యానికి బానిసైన కుమారుడు సూర్యనారాయణ మద్యం తాగడానికి డబ్బులు ఇవ్వడం లేదనే అక్కసుతో చేను పనికి వెళ్లిన తండ్రి అడ్రస్ తెలుసుకుని పత్తి చేనుకి వెళ్లి మద్యం మత్తులో అక్కడే ఉన్న తండ్రి బుచ్చయ్యను కర్రతో తలభాగంపై బలంగా కొట్టడడంతో స్పృహ కోల్పోయి అక్కడికక్కడే వృద్ధుడు మృతి చెందాడు.ప్రత్యక్ష సాక్షి బుచ్చయ్య భార్య నా భర్తను నా కుమారుడే మద్యం మత్తులో కర్రతో కొట్టి చంపాడు అంటూ ఆరోపిస్తుంది.ఈ విషయం తెలిసిన వెంటనే మణుగూరు సిఐ సతీష్ కుమార్ హుటా హుటిన హత్య ప్రదేశానికి చేరుకొని మృతదేహాన్ని పరిశీలించి కేసుపై దర్యాప్తు చేస్తున్నారు.
