మెదక్:చదరంగం క్రీడాకారులను ప్రభుత్వం ప్రోత్సహించి ఆదుకోవాలి పల్లె అంకిత గౌడ్

రామాయంపేట (నేటి గదర్ ప్రతినిధి) ఆగస్టు 28:- మెదక్ జిల్లా రామాయంపేట పట్టణానికి చెందిన చదరంగం క్రీడాకారిణి పల్లె అంకిత గౌడ్ అంతర్జాతీయ స్థాయిలో రాణిస్తూ దేశానికి, పుట్టిన గడ్డకు పేరు ప్రఖ్యాతలు తీసుకు వస్తున్నారు.అయితే గత ప్రభుత్వం ఆమెను ప్రోత్సహించకపోవడంతో సొంతంగానే వివిధ దేశాలకు వెళ్లి చదరంగం పోటీల్లో పాల్గొని పలు పథకాలు సాధించారు.స్థానిక మాజీ సర్పంచ్, కాంగ్రెస్ పార్టీ రాష్ట్ర అధికార ప్రతినిధి అయిన పల్లె రామచంద్రం గౌడ్ కుమార్తె అంకిత గౌడ్ ప్రపంచ చదరంగం క్రీడాకారిణి పల్లె అంకిత గౌడ్ స్కూల్, కాలేజీ,యూనివర్సిటీ టోర్నమెంట్లో పలుమార్లు పాల్గొని ప్రతి దాంట్లో సెలక్షన్ అవ్వుకుంటూ యూనివర్సిటీ ఉస్మానియా యూనివర్సిటీ తరఫున రెండుసార్లు నేషనల్ సెలెక్ట్ అవడం జరిగింది.యూనివర్సిటీ ఇంటర్నేషనల్ తరఫున కూడా పాల్గొనడం విశేషం.అంకిత గౌడ్ ఎల్లో రేటింగ్ 2000 ప్లస్ ఉంటుంది.రేటింగ్ ముఖ్యంగా తెలంగాణ ప్రాంతంలో మహిళల్లో కూడా చాలా తక్కువగా ఉంటారు.డబ్బుతో కూడుకున్నది కావడంతో ఎక్కువ మంది క్రీడాకారులు రాణించలేకపోతున్నారు.ఎక్కువ టోర్నమెంట్లకు,ఎంట్రీ ఫీజులు, విదేశీ పర్యటన దేశంలో కూడా టూర్లు పోవడానికి అంకిత గౌడ్ సొంత ఖర్చులతో పాల్గొనడం జరుగుతుంది.చదరంగం పోటీల్లో రాణించడానికి కోచింగ్ కు గంటకు సుమారుగా1000 రూపాయల పైనే ఖర్చు చేయవలసిన అవసరం ఉంటుందనీ అంకిత గౌడ్ నాన్న పల్లె రామచంద్ర గౌడ్ తెలిపారు.విదేశీ పర్యటనలో భాగంగా ఇప్పటివరకు యూరప్ టోర్నమెంట్స్, సెర్బియా విదేశీ పర్యటనలు సుమారుగా 8 దేశాల్లో అంకిత గౌడ్ పాల్గొన్నారు.కామన్వెల్త్ ప్రోగ్రాంలో కూడా ఆమె పాల్గొనడం జరిగినది.గ్రామీణ స్థాయి నుంచి వెళ్ళిన వారు చాలా తక్కువ మంది ఉంటారు.వీరందరికీ ప్రభుత్వ పరంగా ప్రోత్సాహం ఇవ్వాలని ఆమె కోరారు.గత ప్రభుత్వాలు కొంతమంది క్రీడాకారులకు భూములు,ఆర్థిక వనరులు కల్పించడం జరిగిందని,కొంతమందిని ప్రోత్సహించడం జరిగిందని,అది కూడా ఒకరిద్దరికి మాత్రమేనని రామచంద్ర గౌడ్ తెలిపారు.గత ప్రభుత్వ నిర్లక్ష్యం వల్ల తక్కువ ఉన్న వారికి కూడా ప్రోత్సహించడం జరిగిందని,ప్రతి ఒక్క క్రీడాకారున్ని ప్రోత్సహించి,ఉన్నతంగా ఉన్న వారికి ప్రభుత్వం అన్ని రకాల సదుపాయాలు కల్పించాలని కోరారు.అలాగే అన్ని క్రీడలకు ప్రోత్సహించి,వారికి సపోర్ట్ గా ఉండాలని, క్రీడా చట్టం తీసుకొచ్చి ప్రతి ఒక్కరికి కూడా అవకాశం కల్పించాలని,స్కూల్లో ప్రతి ఒక్కరు పాల్గొన్నాలని ఆయన కోరారు.ప్రభుత్వం ప్రోత్సహించే రకంగా క్రీడాకారులకు భూములను ,ఫ్లాట్లను, ఆర్థిక వనరులు కల్పించాలని ముఖ్యమంత్రి రేవంత్ రెడ్డికి ఆయన సూచించారు.