నిజాంపేట జిల్లా పరిషత్ పాఠశాలలో కళా ఉత్సవ్ ప్రదర్శన కార్యక్రమం

రామాయంపేట (నేటి గదర్ ప్రతినిధి) సెప్టెంబర్ 25:- మెదక్ జిల్లా నిజాంపేట మండల స్థాయి కళా ఉత్సవ్ పోటీలలో భాగంగా నిజాంపేట మండల పరిధిలో కళా ఉత్సవాలు కాంప్లెక్స్ పాఠశాల అయిన జిల్లా పరిషత్ ఉన్నత పాఠశాలలో ప్రదర్శన కార్యక్రమం నిర్వహించడం జరిగింది.ఇందులో జిల్లా పరిషత్ ఉన్నత పాఠశాల చల్మెడ కు చెందిన విద్యార్థినిలు సౌమ్య, రేవతి,సునీత,శివాని జానపద నృత్యాన్ని అత్యద్భుతంగా ప్రదర్శించి అందరిని అల్లరింపజేశారు.డ్రాయింగ్ పోటీలో కూడా పదవ తరగతి విద్యార్థి కె.విజయ్ తన కళను డ్రాయింగ్ రూపంలో ప్రదర్శించి అబ్బురపరచాడు.ఈ కార్యక్రమంలో నూతనంగా బాధ్యతలు స్వీకరించిన మండల విద్యాధికారి సాంగని యాదగిరి కాంప్లెక్స్ ప్రధానోపాధ్యాయురాలు మరియు ఉపాధ్యాయులు, పాఠశాల విద్యార్థులు పాల్గొన్నారు.