నేటి గద్దర్ అల్లూరి జిల్లా న్యూస్:
పాడేరు, అక్టోబర్ 02: 40 కోట్ల రూపాయలతో నిర్మించిన రెండు ఏకలవ్య రెసిడెన్షియల్ మోడల్ పాఠశాలలను దేశ ప్రధాని జార్ఖండ్ రాష్ట్రంలో రాంచీ నుండి గిరిజన విద్యార్డులకోసం వర్చువల్ పద్ధతిలో బుధవారం మధ్యాహ్నం రెండుగంటలకు ప్రారంభించారు. అదే సమయంలో పెదబయలు మండల కేంద్రం సీతగుంట పంచాయతీలో బుధవారం లకేపుట్టు గ్రామంలో జిల్లా పరిషత్ చైర్పర్సన్ జె.సుభద్ర, జిల్లా కలెక్టర్ ఎస్ దినేష్ కుమార్ సంయుక్తంగా రిబ్బన్ కట్ చేసి ప్రారంభించారు. ఈ సందర్భంగా జడ్పీ చైర్ పర్సన్ మాట్లాడుతూ, గిరిజనులకు నాణ్యమైన విద్యను అందించటానికి ప్రైవేటు పాఠశాలలకు ధీటుగా కేంద్ర ప్రభుత్వం గిరిజన బాలబాలికల కోసం గురుకులలతో పాటు ఏకలవ్య మోడల్ పాఠశాలలు కూడా ప్రారంభించిందని, పాడేరు డివిజన్లోని 11 మండలాల్లో కూడా మోడల్ స్కూల్స్ ప్రవేశ పెట్టి దేశ సంపద ను సృష్టిస్తున్నారాన్నారు. విద్యార్దుల చదువుకు ఉపాధ్యాయులతో పాటు తల్లిదండ్రుల సహకారం కూడా అవసరం అన్నారు. విద్యార్దులు ప్రధానంగా మాతృభాషతో పాటు రాష్ట్ర భాష హిందీ అంతర్జాతీయ భాష అంగ్లంపై పట్టుసాదించాలని, అప్పుడే విద్యార్దులకు చక్కటి భవిష్యత్తు ఉంటుందన్నారు.
జిల్లా కలెక్టర్ దినేష్ కుమార్ మాట్లాడుతూ. అక్టోబర్ 2 జాతిపిత మహాత్మా గాంధీ జయంతి, స్వచ్చభారత్ ప్రభుత్వ సంక్షేమ పథకాలు అమలు తీరు వాటిని వినియోగించుకునే విధానం వివరించారు. ఈకార్యక్రమంలో భాగంగా విద్యార్దులు, తల్లిదండ్రులకు అతిదు లకు బోజనాలు ఏర్పాటు చేశారు.
ఈ కార్యక్రమంలో స్థానిక సర్పంచి పి.మాధవరావు ఎంపీటీసీ కె, బొంజుబాబు. జడ్పీ టీసీ, కె ,బాంజుబాబు వైస్ ఎంపీపీ కె రాజా బాబు, అగ్రో డైరెక్టర్ కూడా కృష్ణారావు బిజెపి రాష్ట్ర నాయకులు పొంగి రాజారావు, ఎంపిడిఓ విగ్గేష్ తహశీల్దార్ జి రంగారావు నోడల్ ప్రిన్సిపాల్ మూర్తి ఈ ఏం ఆర్ ఎస్ ముంచింగిపుట్టు ప్రిన్సిపాల్ కేశవరావు వైఎస్ఆర్సీపీ నాయకులు గంప రాయి సూరయ్య, సంబంధిత ఇంజినీరింగ్ అధికారులు తదితరులు పాల్గొన్నారు.
