రామాయంపేట (నేటి గద్దర్ ప్రతినిధి) నవంబర్ 20:-మెదక్ జిల్లా చేగుంట 44వ జాతీయ రహదారి వడియారం గ్రామ శివారులో జిల్లా ఎక్సైజ్ టాస్క్ ఫోర్స్ అధికారులు ప్రత్యేక తనిఖీలు చేపట్టారు.గంజాయి విక్రయాలు జరుగుతున్నాయన్న సమాచారంతో టాస్క్ ఫోర్స్ సీఐ నరేందర్ గౌడ్ ఆధ్వర్యంలో సిబ్బంది ప్రత్యేక తనిఖీలు చేపట్టారు.TS 02UB2679 నెంబర్ గల లారీలో అక్రమంగా తరలిస్తున్న 725 గ్రాముల ఎండు గంజాయి ప్యాకెట్లను అధికారులు స్వాధీనం చేసుకున్నారు.గంజాయి తరలిస్తున్న పశ్చిమ బెంగాల్ రాష్ట్రానికి చెందిన అంజారుల్ షేక్, రహీం షేక్ అనే ఇద్దరు వ్యక్తులను అరెస్టు చేశారు.వారి నుండి రెండు సెల్ ఫోన్లు లారీ స్వాధీనం చేసుకుని రిమాండ్ తరలిస్తున్నట్లు తెలిపారు. ఈ సందర్భంగా ఆయన మాట్లాడుతూ గంజాయి విక్రయాలు జరిగిన సేవించిన చట్ట ప్రకారం చర్యలు తీసుకుంటామని హెచ్చరించారు.గంజాయి విక్రయాలు జరిగితే అధికారులకు సమాచారం ఇవ్వాలని ప్రజలకు పిలుపునిచ్చారు.
