రామాయంపేట మండల కేంద్రంలో గ్రూప్ 3 పరీక్షలు ప్రారంభం

రామాయంపేట (నేటి గద్దర్ ప్రతినిధి) నవంబర్ 17:- మెదక్ జిల్లా రామాయంపేట మండల కేంద్రంలో టీజి పిఎస్సీ గ్రూప్ 3 పరీక్షల కోసం వివేకానంద పాఠశాల మరియు ప్రభుత్వ జూనియర్ కళాశాలలో అధికారులు రెండు పరీక్ష కేంద్రాలను ఏర్పాటు చేశారు.రెండు కేంద్రాలలో కలిపి మొత్తం గ్రూప్ 3 అభ్యర్థులు 438 మంది అభ్యర్థులు పరీక్షలు వ్రాయనున్నారు.ఈ పరీక్షలకు సమయం ఉదయం 10:00 గంటల నుండి 12:30 గంటల వరకు మధ్యాహ్నం 3:00 గంటల నుండి 5:30 గంటల వరకు నిర్వహిస్తున్నట్లు తెలిపారు.ఈ పరీక్ష కేంద్రాలను మండల తహసిల్దార్ రజనీకుమారి పర్యవేక్షించారు.పరీక్షలకు అన్ని పకడ్బందీ ఏర్పాట్లు చేసినట్లు తెలిపారు.ఈ గ్రూప్ 3 పరీక్షలు నిర్వహిస్తున్న నేపథ్యంలో రామాయంపేట సర్కిల్ ఇన్స్పెక్టర్ వెంకట రాజాగౌడ్ ఆధ్వర్యంలో పరీక్ష కేంద్రాల వద్ద పోలీసులు144 సెక్షన్ అమలు చేసి భారీ బందోబస్తు ఏర్పాటు చేసినట్లు తెలిపారు.