★అర్ధరాత్రి తక్షణమే స్పందించిన ఎస్సై మేడ ప్రసాద్
★ స్నేక్ క్యాచర్ ని పిలిచి త్రాచు పామును బంధించారు
★ అర్ధరాత్రి స్పందించిన పోలీసులకి హాట్సాఫ్ చెబుతున్న మణుగూరు పట్టణ ప్రజలు
నేటి గదర్ న్యూస్,మణుగూరు : పోలీసులు అంటేనే రక్షకభటులు. ప్రజలు కష్టాలలో ఉంటే కర్తవ్యం విధి నిర్వహణలో భాగంగా రాత్రి పగలు అని తేడా లేకుండా ఒంటిపై వేసుకున్న కాకి చొక్కా ఎలా స్పందిస్తుందో నిరూపించాడు ఆ ఎస్ఐ. మణుగూరు పట్టణంలో ఓ ఇంట్లో కి పెద్ద త్రాచు పాము చేరి బుసలు కొడుతుంటే ఆ కుటుంబం మొత్తం గజగజ వణికి పొయ్యారు. వారికి ఏమి పాలు పోక మణుగూరు పోలీసులకు సమాచారం అందించారు .మేము ఉన్నాం అంటూ మణుగూరు పోలీసులు అర్ధరాత్రి వేళ స్పందించారు.సకాలంలో స్పందించిన పోలీసులకు మణుగూరు పట్టణ ప్రజలు హ్యాట్సాఫ్ చెబుతున్నారు.వివరాలు ఇలా ఉన్నాయి.
మణుగూరు లో బుధవారం అర్ధరాత్రి(తెల్లరితే గురువారం) వేళ అశోక్ నగర్ లో ఒక ఇంట్లో గోధుమ త్రాచు పాము దూరి బుసలు కొడుతూ భయభ్రాంతులకు గురిచేసింది.ఈ క్రమంలో వారు ఆ అర్థరాత్రి మణుగూరు పోలీస్ కి సమాచారం అందించారు.తక్షణమే స్పందించిన ఎస్సై మేడ ప్రసాద్ స్నేక్ క్యాచర్ ని పిలిపించి ఆ త్రాచు పామును పట్టించారు. అప్పటివరకు భయంతో వణికి పోయిన ఆ ఇంటిగల వ్యక్తులు ఊపిరి పీల్చుకున్నారు. ఇంత అర్ధరాత్రి వేళ స్పందించి తమ ఇంటికి వచ్చి సహాయం చేసిన ఎస్సై మేడ ప్రసాద కు కృతజ్ఞతలు తెలిపారు. ఈ సందర్భంగా ఎస్ఐ మాట్లాడుతూ ప్రజలకు ఏ కష్టం వచ్చినా అండగా ఉంటామని… పోలీసులకు సకాలంలో సమాచారం చేరవేస్తే స్పందిస్తామని తెలిపారు. హాట్సాఫ్ మణుగూరు పోలీస్.
