◆NHM సిబ్బందిని ఎలాంటి షరతులు లేకుండా రెగ్యులర్ చేయాలి
◆NHM రాష్ట్ర ప్రధాన కార్యదర్శి రామ రాజేష్ ఖన్నా
◆జిల్లా నూతన కమిటీ ఎన్నిక
నేటి గదర్ న్యూస్,హైదరాబాద్ ప్రతినిధి(ఆసిఫాబాద్ జిల్లా న్యూస్):
జాతీయ ఆరోగ్య మిషన్ లో పనిచేస్తున్న వివిధ రకాల సిబ్బందిని ఎలాంటి షరతులు లేకుండా రెగ్యులర్ చేయాలని NHM రాష్ట్ర ప్రధాన కార్యదర్శి రామ రాజేష్ ఖన్నా కేంద్ర, రాష్ట్ర ప్రభుత్వాలను డిమాండ్ చేశారు.ఆదివారం రోజున ఆసిఫాబాద్లోని మైనార్టీ ఫంక్షన్ హాల్ లో జిల్లా మహాసభ AITUC జిల్లా అధ్యక్షుడు టి.దివాకర్ అధ్యక్షత నిర్వహించడం జరిగింది , ఈ సందర్భంగా రామ రాజేష్ ఖన్నా మాట్లాడుతూ రాష్ట్ర ప్రభుత్వం అధికారంలోకి వచ్చి 7 నెలలు గడుస్తున్న ప్రభుత్వ, ప్రభుత్వ సంస్థల్లో పనిచేస్తున్న జాతీయ ఆరోగ్య మిషన్ కాంట్రాక్టు, ఔట్ సోర్సింగ్ ఉద్యోగులకు కనీస వేతనాలు సవరించి పెంచకుండా గత ప్రభుత్వం లాగానే దాట వేస్తుందని, వెంటనే కార్మికులకు కనీస వేతనాలు పెంచాలని జాతీయ ఆరోగ్య మిషన్ రాష్ట్ర ప్రధాన కార్యదర్శి రామ రాజేష్ ఖన్నా డిమాండ్ చేశారు.ఈ సందర్భంగా రామ రాజేష్ ఖన్నా మాట్లాడుతూ అనేక పోరాటాల వల్ల సాధించుకున్న 29 కార్మిక చట్టాలను ఎన్డీయే ప్రభుత్వం పూర్తిగా రద్దు చేసి, కార్మిక హక్కులను కాలరాసే 4 లేబర్ కోడ్లను తీసుకొచ్చి కార్పొరేట్, పెట్టుబ డిదారులకు మేలు చేస్తున్న కోడ్లను రాష్ట్ర ప్రభుత్వం 4 లేబర్ కోడ్లను అమలు చేస్తామని ప్రకటించటం ఎన్డీయే ప్రభుత్వ విధానాలను తెలంగాణ కాంగ్రెస్ ప్రభుత్వం అమలు చేస్తామనడం హాస్యాస్పదంగా ఉందని ఆయన ఆరోపించారు. నాలుగవ తరగతి సిబ్బంది కనీస వేతనం 26,000 వేతనం ఇవ్వాలని, జాతీయ ఆరోగ్య మిషన్ పని చేస్తున్న 17,000 మందికి శ్రమ దోపిడికి గురవుతూ పేద ప్రజల ఆరోగ్యమే పరమావదిగా భావించి పని చేస్తుంటే వారిని ప్రభుత్వ ఉద్యోగులుగా నియమించకుండా కాలయాపన చేయటాన్ని ఆయన విమర్శించారు.ESI, PF సౌకర్యం కల్పించాలని, హెల్త్ కార్డ్స్ ఇవ్వాలని, ప్రతి నెల 1వ తేదీన జీతాలు ఇవ్వాలని, గుర్తింపు కార్డ్స్ ఇవ్వాలని, సమాన పనికి సమాన వేతనం ఇవ్వాలని అన్నారు,510 జీవోని అందరికి అమలు చేయాలని, ప్రమాద భీమా 25 లక్షలు ఇవ్వాలని, దురదృష్ట వశత్తు ఎవరైనా చనిపోతే వారి కుటుంబంలో ఒకరికి 6 నెలల్లోపు ప్రభుత్వ ఉద్యోగులు ఇవ్వాలని అన్నారు, జూలై 24 నుండి జరగనున్న అసెంబ్లీ సమావేశాల సందర్భంగా అసెంబ్లీని ముట్టడిస్తామని అన్నారు,ప్రతి రోజు ఒక యూనియన్ వారి సమస్యల పరిష్కారానికై ఇందిరాపార్కు వద్ద ధర్నాలు నిర్వహించి మంత్రులకు, అధికారులకు మెమోరాండాలు ఇవ్వాలని నిర్ణయించటం జరిగిందని ఆయన తెలిపారు.
ఈ కార్యక్రమంలో NHM స్టేట్ వైస్ ప్రెసిడెంట్ లావుడ్యా సురేష్ నాయక్,రాష్ట్ర నాయకులు కొండ్ర లత,AITUC జిల్లా ప్రధాన కార్యదర్శి బోగే ఉపేందర్, ఉపాధ్యక్షుడు మధుకర్, నాయకులు చిరంజీవి,వినోద్, స్రవంతి, ముస్తక్, శ్రీనివాస్, గోపి కృష్ణ, సాయిలత,మ్రిదుల్ తోపాటు తదితరులు పాల్గొన్నారు.
