నేటి గద్దర్ కరకగూడెం: మండల పరిధిలోని కరకగూడెం బట్టుపల్లి జిల్లా పరిషత్ పాఠశాలలోని విద్యార్థిని విద్యార్థులకు అవగాహన కార్యక్రమం కరకగూడెం ఎస్ఐ రాజేందర్ నిర్వహించారు. ఈ సందర్భంగా ఆయన మాట్లాడుతూ భద్రాద్రి కొత్తగూడెం జిల్లా ఎస్పీ రోహిత్ రాజ్ ఐపీఎస్ ఆదేశాల మేరకు మత్తు పానీయాలు డ్రగ్స్, గంజాయి, మద్యం తదితర మత్తు పానీయాలు పైన విద్యార్థిని విద్యార్థులకు అవగాహన కార్యక్రమం నిర్వహించడం జరిగిందని ఆయన తెలిపారు. మాదకద్రవ్యాల ప్రభావం వ్యక్తిగత ఆరోగ్యం, కుటుంబ సమతుల్యత, సమాజ స్థీరత్వంపై ఎంతటి భయానక ప్రభావం చూపుతుందో విద్యార్థులకు వివరించారు. యువత డ్రగ్స్ వలలో పడటం వల్ల విద్య కెరీర్, వ్యక్తిత్వం నాశనమవుతాయని హెచ్చరించారు. ఈ కార్యక్రమంలో పోలీసు సిబ్బంది, పాఠశాల ఉపాద్యాయులు, విద్యార్థులు పాల్గొన్నారు.
