కమలాపూర్ పేపర్ మిల్లుకు పునరుద్ధారం ఎప్పుడో..?

ప్రభుత్వం ఇచ్చిన మాట నిలబెట్టుకుంటుందా..?

-చుంచు కుమార్
అఖిల భారతీయ ఎలక్ట్రానిక్ జర్నలిస్ట్ యూనియన్
రాష్ట్ర అధ్యక్షులు

ములుగు జిల్లా కమలాపూర్ పేపర్ మిల్లు…!

( కమలాపూర్ పేపర్ మిల్లు ఒకప్పుడు పరిశ్రమల హబ్‌గా, వేల కుటుంబాలకు జీవనాధారంగా నిలిచింది.)” ఒకప్పుడు పరిశ్రమల హబ్‌గా, వేల కుటుంబాలకు జీవనాధారంగా నిలిచిన ఈ మిల్లు మళ్లీ తెరుచుకుంటుందా? లేక గత ప్రభుత్వాల మాదిరిగానే కాంగ్రెస్ ప్రభుత్వ హామీలు కూడా గాలిలో కలిసిపోతాయా? ప్రజలు ఆసక్తిగా గమనిస్తున్నారు..!

50 వేల మందికి ఉపాధి అవకాశమా, అబద్ధపు హామీల రోగమా..?

పేపర్ మిల్లును పునరుద్ధరించితే ప్రత్యక్షంగా, పరోక్షంగా 50 వేల మందికి ఉపాధి లభిస్తుందని ఆశలు చిగురిస్తున్నాయి. అయితే, ప్రభుత్వం ఈ అవకాశాన్ని సజీవం చేస్తుందా..? లేక మాటలు చెప్పి మర్చిపోతుందా..?

మంత్రి సీతక్క చొరవ – ప్రభుత్వం ఏమవుతోంది..?

మంత్రి సీతక్క ఈ మిల్లును తిరిగి తెరవాలని తీవ్రంగా ప్రయత్నిస్తున్నట్లు సమాచారం. ఇప్పటికే సీఎం రేవంత్ రెడ్డిని కలిసి, మిల్లును పునరుద్ధరించాల్సిన అవసరాన్ని వివరించారని తెలుస్తోంది. కానీ, దీనిపై ప్రభుత్వం ఎలాంటి అధికారిక ప్రకటన చేయలేదు.

ప్రభుత్వానికి ప్రజా వ్యతిరేకత పెరుగుతుందా..?

ఇటీవల జరిగిన ఎమ్మెల్సీ ఎన్నికల్లో కాంగ్రెస్ ప్రభుత్వం ప్రజల మద్దతు కోల్పోయిందన్న వాదనలు వినిపిస్తున్నాయి. కమలాపూర్ మిల్లును తిరిగి ప్రారంభించడాన్ని నిర్లక్ష్యం చేస్తే, స్థానిక సంస్థల ఎన్నికల్లో ప్రభుత్వానికి ఇది మరింత ఇబ్బంది కలిగించే అంశమవుతుందనే అభిప్రాయం ఉంది.

ప్రభుత్వ నిర్ణయం – ఎన్నికల ఫలితాలను ప్రభావితం చేస్తుందా..?

పునరుద్ధరణ జరిగితే: వేల మందికి ఉపాధి కలుగుతుంది. కాంగ్రెస్ ప్రభుత్వం ప్రజల మద్దతును తిరిగి పొందే అవకాశముంటుంది.

పునరుద్ధరణ ఆలస్యమైతే: ప్రభుత్వం ప్రజా వ్యతిరేకతను ఎదుర్కోవాల్సి వస్తుంది. ఇది కాంగ్రెస్‌కు రాజకీయ పరిపాక్వత కోల్పోయే అవకాశాన్ని కలిగిస్తుంది.

ప్రజలు చూస్తున్నారు.. ప్రభుత్వం స్పందించాల్సిన సమయం ఆసన్నమైంది..!

పేపర్ మిల్లును తిరిగి తెరవకపోతే కాంగ్రెస్ ప్రభుత్వం తట్టుకోలేనంత వ్యతిరేకతను ఎదుర్కోవాల్సి వస్తుందని విశ్లేషకులు హెచ్చరిస్తున్నారు. హామీలు నెరవేర్చకపోతే, ప్రజల తీర్పు ఎన్నికల బల్లపై స్పష్టంగా పడనుంది.

“ప్రజలు చూస్తున్నారు… మిల్లు తెరుచుకుంటుందా..? లేక మళ్లీ మోసపోతారా..?”