వృద్ధ దంపతుల ఆత్మహత్య…
వ్యవసాయ బావిలో దూకి ఆత్మహత్య…
కన్నీరు మున్నీరుగా విలపిస్తున్న కుటుంబ సభ్యులు…
శోక సముద్రంలో ఎస్టి కాలనీ…
నేటి గదర్ న్యూస్,ప్రత్యేక ప్రతినిధి మణుగూరు జులై 28:
మణుగూరు మండల పరిధిలోని పగడేరు పంచాయతీలోని ఎస్టీ కాలనీలో నివాసం ఉంటున్న కాసరబాద రామచంద్రయ్య(75), సరోజినమ్మ(69),అనే వృద్ధ దంపతులు ఆత్మహత్య చేసుకున్నారు.ఆదివారం రాత్రి గ్రామ సమీపంలోని, మాదరి పాపయ్య వ్యవసాయ పొలంలో ఉన్న బావిలో దూకి ఆత్మహత్య చేసుకున్నారు. వ్యవసాయ పనుల్లో వరి నాట్లు వేసి వస్తున్న కూలీలకు బావిలో శవమై కనిపించినట్లుగా తెలిపారు.మృత దేహం పైకి తేలుతూ ఉండగా,ఈ విషయాన్ని గ్రామస్థులకు చేర వేశారు.ఆత్మహత్యకు పాల్పడిన వృద్ధ దంపతుల్లో సరోజినమ్మ మృతదేహాన్ని బయటకు తీశారు.రామచంద్రయ్య మృతదేహం కోసం స్థానికులు బావిలో గాలిస్తున్నారు.ఈ విషయాన్ని మణుగూరు పోలీసులకు సమాచారం చేర వేయడంతో, ఘటన ప్రాంతానికి మణుగూరు ఎస్సై మేడ ప్రసాద్ సందర్శించి ఆత్మహత్య గల కారణాలు అడిగి తెలుసుకున్నారు.
రామచంద్రయ్య,సరోజనమ్మ వృద్ద దంపతులకు ముగ్గురు కుమారులు మీరు పగిడేరురు గ్రామ పంచాయతీలోని,గొల్ల కొత్తూరు గ్రామంలో నివసిస్తుండగా,వృద్ధ దంపతులు ఎస్టీ కాలనీలో నివాసం ఉంటున్నారు.ఆత్మహత్య గల కారణాలు తెలియ రాలేదు.వృద్ధ దంపతులు ఆత్మహత్య చేసుకున్నారన్న విషయం పగిడేరులో కలకలం రేపింది.వీరు గ్రామంలో అందరితో మంచి సత్ససంబంధాలు కలిగి ఉండేవారు.ఆత్మహత్యకు పాల్పడ్డ తల్లిదండ్రుల విషయాన్ని తెలుసుకున్న కుటుంబ సభ్యులు,ఘటన ప్రాంతానికి చేరుకొని కన్నీరు,మున్నీరు అవుతున్నారు.
