నేటి గదర్ న్యూస్, ఖమ్మం జిల్లా ప్రతినిధి, ✍️సతీష్ కుమార్ జినుగు.
ఖమ్మం ఎంపీ రామ సహాయం రఘురాం రెడ్డి సిఫారసుతో దక్షిణ మధ్య రైల్వే( సికింద్రాబాద్) డివిజనల్ యూజర్స్ కన్సల్టేటివ్ కమిటీ (డీఆర్ యూసీసీ) నామినేటెడ్ సభ్యుడిగా భద్రాద్రి కొత్తగూడెం జిల్లా కేంద్రానికి చెందిన యరమల శ్రీనివాసరెడ్డి నియమితులయ్యారు. రెండేళ్ల పాటు ఈ పదవిలో కొనసాగనున్నారు. ఈ సందర్భంగా ఆయన.. ఎంపీ రఘురాం రెడ్డిని క్యాంప్ కార్యాలయంలో మర్యాదపూర్వకంగా కలిసి.. శాలువాతో సత్కరించి కృతజ్ఞతలు తెలిపారు. అనంతరం ఎంపీ మాట్లాడుతూ.. ఉభయ జిల్లాల్లో రైల్వే ప్రయాణికులకు మెరుగైన సౌకర్యాలు అందేలా చూడాలని.. స్టేషన్లలో మౌలిక సదుపాయాల కల్పనకు రైల్వే బోర్డు సమావేశాల్లో చర్చించాలని సూచించారు. ఈ కార్యక్రమంలో కాంగ్రెస్ జిల్లా నాయకులు కొప్పుల చంద్రశేఖర్, కొత్తగూడెం నుంచి పలువురు పార్టీ శ్రేణులు పాల్గొన్నారు.
