ఆశ వర్కర్స్ కలెక్టరేట్ ముట్టడిని జయప్రదం చేయండి.
సిఐటియూ వైరా పట్టణ కన్వీనర్ అనుమోలు రామారావు
నేటి గదర్ న్యూస్, వైరా:
ఆగస్టు 25న జరిగే ఆశ వర్కర్స్ కలెక్టరేట్ ముట్టడి కార్యక్రమాన్ని జయప్రదం చేయాలని సిఐటియూ వైరా పట్టణ కన్వీనర్ అనుమోలు రామారావు కోరారు. సోమవారం సిఐటియూ వైరా పట్టణ కమిటీ ఆధ్వర్యంలో ఆశ వర్కర్ల సమస్యలు పరిష్కరించాలని వైరా పి.హెచ్చ్.సి అధికారి డాక్టర్ హర్షకు వినతిపత్రం అందజేశారు. ఈ సందర్భంగా
సిఐటీయూ వైరా పట్టణ కన్వీనర్ అనుమోలు రామారావు మాట్లాడుతూ ఎన్నో సంవత్సరాలుగా ఆశ వర్కర్స్ తో వెట్టి చాకిరి చేయించుకుంటున్న ప్రభుత్వాలు ఆశ వర్కర్ల సమస్యను పరిష్కరించడంలో విఫలమయ్యాయని విమర్శించారు. గత రెండు నెలలుగా ఆశ వర్కర్లకు వేతనాలు అందక అనేక ఇబ్బందులకు గురి అవుతున్నారని, ఆశ వర్కర్లకు ఉద్యోగ భద్రత కల్పించాలని, అవకాశం ఉన్న ఆశ వర్కర్లను రెండో ఏఎన్ఎంలుగా గుర్తించాలని, పెండింగ్ వేతనాలు వెంటనే విడుదల చేయాలని తదితర సమస్యల పరిష్కారానికి ఆగస్టు 19న ప్రాధమిక ఆరోగ్య కేంద్రాల వద్ద, ఆగస్టు 25న కలెక్టర్ కార్యాలయం వద్ద ధర్నాలు చేపట్టామని తెలిపారు .
సెప్టెంబర్ ఒకటో తేదీన చలో హైదరాబాద్ కార్యక్రమం ఉంటుందని, అప్పటికి ప్రభుత్వం సమస్యలపై స్పందించకపోతే ఆశ వర్కర్లు నిరవధిక నిరాహార దీక్ష చేపడతారని అన్నారు. ఆగస్టు 25న కలెక్టర్ కార్యాలయం వద్ద జరిగే ధర్నాకు అధిక సంఖ్యలో ఆశా వర్కర్లు తరలివచ్చి విజయవంతం చేయాలని కోరారు. ఈ కార్యక్రమంలో ఆశ వర్కర్లు శైలజ, రేణుక, దీప, హైమావతి, మహేశ్వరి, లలిత తదితరులు పాల్గొన్నారు.
