★రామునికి హనుమంతుని వలె ఎమ్మెల్యే పాయం కు నమ్మిన బంటు ఎర్ర సురేష్ గౌడ్
★గతంలో పాయం సూచన తో మండల అధ్యక్ష పదవి త్యాగం
★రాజకీయ ఆటుపోట్లు ఎదుర్కొని ఎమ్మెల్యే పాయం మే ప్రాణంగా ఆయన అడుగు జాడల్లో నడుస్తున్న ఎర్ర సురేష్ గౌడ్
★బీ సి మహిళకు జెడ్పీటీసీ కేటాయింపు జరగడం తో ఎర్ర సురేష్ సతీమణి ఎర్ర సంధ్య కు ఆ ఇద్దరి ఆశీర్వాదం ?
★నా కష్టం ను పార్టీ తప్పక గుర్తిస్తుంది:ఎర్ర సురేష్ గౌడ్
నేటి గదర్ న్యూస్,కరకగూడెం:
త్వరలో జరగనున్న పంచాయతీ ఎన్నికలకు సంబంధించి రిజర్వేషన్లు ప్రకటించిన విషయం విధితమే. ఈ నేపథ్యంలో కరకగూడెం జెడ్పీటీసీ రిజర్వేషన్ బీ సి మహిళకు రావడం జరిగింది.ఏజెన్సీ లో బీ సి లకు రాజకీయ రిజర్వేషన్లు దక్కడం మండలాల వారిగా రొటేషన్ లో భాగంగా జరుగుతుంది. ఈ దఫా కరక గూడెం మండలానికి బిసి మహిళకు జడ్పిటిసి రిజర్వేషన్లు కేటాయించడంతో తీవ్ర పోటీ నెలకొన్నది. ఈ క్రమంలోనే కాంగ్రెస్ పార్టీ జడ్పిటిసి అభ్యర్థిగా మంత్రి పొంగులేటి, పినపాక ఎమ్మెల్యే పాయం వెంకటేశ్వర్లు కు నమ్మిన బంటుగా ఉంటున్న చిర్రమళ్ళ వాసి ఎర్ర సురేష్ గౌడ్ సతీమణి ఎర్ర సంధ్య సురేష్ గౌడ్ కు దక్కనుందని ఊహాగానాలు మెండుగా వినపడుతున్నాయి. ఇందుకు కారణాలు లేకపోలేదు. ఎర్ర సురేష్ గౌడ్ రాజకీయం తొలినాళ్ల నుంచి పినపాక ఎమ్మెల్యే పాయం వెంకటేశ్వర్లుకు నమ్మిన బంటుగా ఉంటున్నారు.తన రాజకీయ జీవితంలో అనేక ఆటుపోట్లు ఎదురవుతున్నప్పటికీని గత 15 సంవత్సరాలుగా మంత్రి పొంగిలేటి, పినపాక ఎమ్మెల్యే పాయం వెంకటేశ్వర్లు అడుగుజాడలలో నడుస్తున్నాడు. గతంలో ఓ పార్టీ మండల అధ్యక్ష పదవి వచ్చినట్లే వచ్చి చేజారింది. ఆనాడు ఎమ్మెల్యే పాయం వెంకటేశ్వర్లు నేను ఉన్నాను అనే అభయం ఇవ్వడంతో ఎర్ర సురేష్ మండల అధ్యక్ష పదవి వదులుకున్నాడు. ఈ క్రమంలో రిజర్వేషన్ రూపంలో మరొక అవకాశం రావడంతో కాంగ్రెస్ పార్టీ అధిష్టానం తన సతీమణికి జెడ్పిటిసి టికెట్ కేటాయిస్తుందని ఆశాభావంతో ఉన్నాడు. కరక గూడెం మండలంలో గౌడ సామాజిక వర్గం ఎక్కువగా ఉండడం, అనేక ఏళ్లుగా ఎమ్మెల్యే పాయంకు నమ్మిన బంటుగా ఎర్ర సురేష్ గౌడ్ ఉండడంతో జడ్పిటిసి కాంగ్రెస్ టికెట్ ఆయన సతీమణికే దక్కుతుందని కరకగూడెం మండల వ్యాప్తంగా జోరుగా ప్రచారం సాగుతుంది. ఇప్పటికే సోషల్ మీడియా వేదికగా ఎర్ర సంధ్య కి టికెట్ అంటూ జోరుగా చర్చ జరుగుతుంది. మంత్రి పొంగులేటి, ఎమ్మెల్యే పాయం ఆశీర్వాదం ఎవరికి దక్కనుందో అతి త్వరలోనే తేల నుంది. ఎర్ర సురేష్ గౌడ్ మాత్రం జెడ్పిటిసి టికెట్ విషయమై పూర్తి విశ్వాసంతో ఉన్నట్లు విశ్వసనీయ సమాచారం.
