ఆగపేట గ్రామంలో బతుకమ్మ ఘాట్ పనులకు భూమి పూజ
దంతాలపల్లి:
దంతాలపల్లి మండలం
ఆగపేట గ్రామంలో బతుకమ్మ ఘాట్ నిర్మాణ పనులకు సర్పంచ్ కొత్త యాకన్న గ్రామ పెద్దల సమక్షంలో మంగళవారం పూజలు నిర్వహించి పనులను ప్రారంభించారు. గ్రామ అభివృద్ధి మహిళల ఆత్మగౌరవానికి ప్రతీకగా నిలిచే బతుకమ్మ పండుగను మరింత ఘనంగా నిర్వహించేందుకు ఈ ఘాట్ నిర్మాణం చేపట్టినట్లు తెలిపారు. ఆగపేట గ్రామపంచాయతీని ఉత్తమ పంచాయతీగా తీర్చిదిద్దడమే తన లక్ష్యమని సర్పంచ్ కొత్త యాకన్న తెలిపారు.
ఈ కార్యక్రమానికి గ్రామస్తులు భారీ సంఖ్యలో హాజరై తమ మద్దతును తెలియజేశారు. ఈ సందర్భంగా ఉప సర్పంచ్ కొమ్ము లావణ్య గారు, వార్డు సభ్యులు, గ్రామ పెద్దలు మరియు గ్రామస్తులు పాల్గొన్నారు.
బతుకమ్మ పండుగ సమయంలో గ్రామ మహిళలు సౌకర్యవంతంగా బతుకమ్మలను నిమజ్జనం చేయడానికి ఈ ఘాట్ ఎంతో ఉపయోగపడుతుందని గ్రామస్తులు పేర్కొన్నారు. గత కొన్ని సంవత్సరాలుగా నిర్మాణానికి నోచుకోని బతుకమ్మ ఘాట్ కి నేడు శ్రీకారం చుట్టడంతో అగపేట మహిళ లోకం సర్పంచ్ యాకన్నకు కృతజ్ఞతలు తెలిపారు.
