★జిల్లా కలెక్టర్, విద్యా శాఖ అధికారికి ఫిర్యాదు
నేటి గదర్ న్యూస్,మణుగూరు టౌన్:
ఏజెన్సీ ప్రాంతమైన మణుగూరు మండలంలో అన్ని ప్రైవేట్ స్కూళ్ల పై చర్యలు తీసుకోవాలని కోరుతూ..జిల్లా కలెక్టర్ , జిల్లా విద్యా శాఖ అధికారికి మణుగూరు మండలం విజయనగరం గ్రామానికి చెందిన మట్టపల్లి సాగర్ యాదవ్ సోమవారం ఫిర్యాదు చేసినట్లు విలేకరుల కు తెలిపారు. నియంత్రణ లేని ఫీజులతో యాజమాన్యాలు అడ్డగోలుగా దోపిడీకి పాల్పడుతున్నాయని , నిబంధనలకు విరుద్ధంగా అక్రమంగా స్కూల్స్ నడుపుతున్నరని ఆ ఫిర్యాదు లో పేర్కొన్నట్లు తెలిపారు. ప్రైవేటు పాఠశాలల అధిక ఫీజు ల మూలంగా పేద మధ్యతరగతి కుటుంబాలకు ప్రైవేటు విద్య దూరం అయ్యిందని, ప్రైవేటు లో చదివించే విద్యార్థుల తల్లిదండ్రులకు ఫీజుల చెల్లింపు భారమైందన్నారు. తక్షణమే ఆయా ప్రైవేట్ పాఠశాలలపై అధికారులు చర్యలు తీసుకోవాలని కోరారు.
