తెలంగాణ, ఆంధ్రప్రదేశ్ నుంచి భారీగా తరలిరావాలని ఆదివాసీ జేఏసీ పిలుపు
నేటి గద్దర్ న్యూస్, అశ్వారావుపేట, సెప్టెంబర్, 20: భద్రాద్రి కొత్తగూడెం జిల్లాలోని అశ్వారావుపేటలో ఆదివాసీ జేఏసీ నాయకులు ఒక సమావేశం నిర్వహించి, సెప్టెంబర్ 21, ఆదివారం జరిగే 9 తెగల ఆదివాసీల ఐక్యత ర్యాలీని విజయవంతం చేయాలని పిలుపునిచ్చారు. ఈ ర్యాలీ ఉదయం 10 గంటలకు ప్రారంభం అవుతుంది. తెలంగాణలోని అన్ని జిల్లాల నుంచి, అలాగే పక్కన ఉన్న ఆంధ్రప్రదేశ్ రాష్ట్రం నుంచి కూడా తొమ్మిది తెగల ఆదివాసీ పెద్దలు, నాయకులు, యువత అధిక సంఖ్యలో పాల్గొని తమ ఐక్యతను చాటాలని జేఏసీ నాయకులు కోరారు. ఆదివాసీలందరూ స్వచ్ఛందంగా ఈ ర్యాలీలో పాల్గొని, దీనిని విజయవంతం చేయాలని వారు విజ్ఞప్తి చేశారు. ఈ కార్యక్రమం ఆదివాసీల ఐక్యతను చాటి చెప్పడంతో పాటు, వారి హక్కులు, సమస్యల పరిష్కారం కోసం పోరాడే దిశగా ఒక ముఖ్యమైన అడుగు అవుతుందని నాయకులు పేర్కొన్నారు. ఈ కార్యక్రమంలో ఆదివాసీ జేఏసీ నాయకులు పాల్గొన్నారు.
