అప్పులు తీసుకోవడంలో తెలంగాణ రైసింగ్
6 నెలల్లో రూ.45,900 కోట్లు అప్పు చేసిన రాష్ట్ర ప్రభుత్వం
2025–26 ఆర్థిక సంవత్సరానికి కేంద్రం ఇచ్చిన వాటా(రూ.54,009 కోట్లు)లో అప్పుడే 85% రుణాల సేకరణ
కేంద్ర ప్రభుత్వం ఈ ఆర్థిక సంవత్సరానికి తెలంగాణ ప్రభుత్వానికి రూ.54,009 కోట్లు రుణ పరిమితి విధించగా, ఈ నెల 23 తేదీ వరకే 85% అంటే రూ.45,900 కోట్ల రుణాలు తీసుకున్న కాంగ్రెస్ ప్రభుత్వం
ఈ ఒక్క నెలలో రూ.12 వేల కోట్ల రుణం తీసుకోవడంతో, వచ్చే 6 నెలల్లో రూ. 8,109 కోట్ల రుణాలు మాత్రమే తీసుకునే అవకాశం
సాధారణంగా రాష్ట్ర ప్రభుత్వాలు రిజర్వ్ బ్యాంక్ ఆఫ్ ఇండియా ప్రతి వారం నిర్వహించే ఈ–వేలం ద్వారా 1000 లేదా 2000 కోట్లు రుణాలు తీసుకునే క్రమంలో, గత కొన్ని నెలలుగా ప్రతి దఫా వేలంలో ఏకంగా 5-6 వేల కోట్ల రుణాలు తీసుకున్న రేవంత్ రెడ్డి ప్రభుత్వం
ఏప్రిల్ నెలలో రూ.4,400 కోట్లు, మే నెలలో రూ.4,500 కోట్లు, జూన్ నెలలో రూ.8,500 కోట్లు, జూలైలో రూ.8,500 కోట్లు, ఆగస్టులో రూ.8,000 కోట్లు, ఈ నెల 2న రూ.6 వేల కోట్లు, 16న వెయ్యి కోట్లు, తాజాగా మంగళవారం మరో రూ.5 వేల కోట్లు రుణాలతో కలిపి 6 నెలల్లో రూ.45,900 కోట్ల రుణాల సేకరణ
ప్రస్తుత ఆర్థిక సంవత్సరంలో (ఏప్రిల్ నుంచి ఆగస్టు వరకు) రాష్ట్ర ప్రభుత్వానికి రుణ సేకరణతో కలిపి రూ.96,654.24 కోట్ల ఆదాయం రాగా, రూ.88,610.95 కోట్లు ఖర్చు చేసినట్టు తన నివేదికలో తెలిపిన కాగ్
ఈ ఖర్చులో వడ్డీ చెల్లింపుల కోసం ఆరు నెలల్లో రూ.11,447 కోట్లు(నెలకు రూ.1907.83 కోట్లు) మాత్రమే ఖర్చు చేసినట్టు పేర్కొన్న కాగ్ నివేదిక
అప్పులు చేయడంలో రాష్ట్ర ప్రభుత్వం వేగం చూస్తుంటే భయానకంగా ఉందని, వచ్చే 3 ఏళ్లలో రాష్ట్ర అప్పులు ఏ స్థాయికి చేరుతాయోనని ఆందోళన వ్యక్తం చేస్తున్న ఆర్థిక విశ్లేషకులు
