ఎమ్మెల్యే హరీష్ రావుని పరామర్శించిన ములకలపల్లి మాజీ జడ్పీటీసీ, మల్లాయిగూడెం మాజీ సర్పంచ్
తన్నీరు సత్యనారాయణ రావు చిత్రపటానికి శ్రద్ధాంజలి ఘటించిన ప్రముఖులు
నేటి గద్దర్ న్యూస్, అశ్వారావుపేట, నవంబర్ 02: సిద్దిపేట బీఆర్ఎస్ ఎమ్మెల్యే, మాజీ మంత్రి తన్నీరు హరీష్ రావు ఇటీవల తమ తండ్రి తన్నీరు సత్యనారాయణ రావుని కోల్పోయిన విషయం విదితమే. ఈ విషాద సమయంలో హరీష్ రావుకి మరియు వారి కుటుంబ సభ్యులకు సంఘీభావం తెలిపేందుకు పలువురు ప్రముఖులు హైదరాబాద్లోని వారి నివాసానికి తరలివస్తున్నారు. ఈ క్రమంలో, నవంబర్ 2, ఆదివారం నాడు భద్రాద్రి కొత్తగూడెం జిల్లాకు చెందిన ములకలపల్లి మాజీ జడ్పీటీసీ సున్నం నాగమణి తో పాటు అశ్వారావుపేట మండలం, మల్లాయిగూడెం గ్రామ పంచాయతీ మాజీ సర్పంచ్ నారం రాజశేఖర్, సున్నం సత్యనారాయణ తదితరులు హైదరాబాద్లోని కోకపేటలో ఉన్న హరీష్ రావు నివాసానికి చేరుకున్నారు. వారు తన్నీరు సత్యనారాయణ రావు చిత్రపటానికి ఘనంగా నివాళులర్పించి శ్రద్ధాంజలి ఘటించారు. అనంతరం ఎమ్మెల్యే హరీష్ రావుని పరామర్శించి, వారి కుటుంబ సభ్యులకు ప్రగాఢ సానుభూతిని తెలియజేశారు. ఈ కష్టకాలంలో మనోధైర్యంతో ఉండాలని వారు హరీష్ రావుని ఓదార్చారు.
