ప్రాణాల కోసం పోరాడుతున్న ఆటో డ్రైవర్.★ఫోన్ పే నంబర్ 7013723777

ప్రాణాల కోసం పోరాడుతున్న ఆటో డ్రైవర్..
– వైద్య ఖర్చులకు పేదరికం అడ్డు..
– చికిత్సకు డబ్బుల్లేక సతమతమవుతున్న కుటుంబం..
– దాతలు ముందుకు రావాలని కుటుంబ సభ్యుల వేడు కోలు
పినపాక :
భద్రాద్రి కొత్తగూడెం జిల్లా పినపాక మండలం
ఏడూళ్ల బయ్యారం గ్రామానికి చెందిన ఆటో డ్రైవర్ దోమల లక్ష్మణరావు ప్రాణాలతో పోరాడుతున్నాడు. కడుపు సంబంధిత తీవ్రమైన వ్యాధితో బాధపడుతూ ఇటీవల ఖమ్మంలోని శ్రీ సాయి హాస్పిటల్ లో చేరాడు. వైద్యులు అతని పరిస్థితి విషమంగా ఉందని తెలిపారు. రోజువారీ ఆటో నడిపి కుటుంబాన్ని పోషిస్తున్న లక్ష్మణరావు పేదరికంలో చిక్కుకొని, వైద్య చికిత్స ఖర్చులకు డబ్బులు సమకూర్చుకోలేక తీవ్ర ఆందోళనలో ఉన్నాడు. భార్యతో పాటు ఇద్దరు చిన్నారులు కన్నీటి పర్యంతమవుతున్నారు.
*- నా భర్త ప్రాణం నిలబెట్టాలంటే మీ సహాయం కావాలని లక్ష్మణరావు భార్య వేదన వ్యక్తం చేశారు. వైద్య ఖర్చులు భరించలేని స్థితిలో ఉన్న ఈ కుటుంబానికి దయగల మనసులు, దాతలు తోచినంత ఆర్థిక సహాయం చేయాలని స్థానికులు, బంధువులు విజ్ఞప్తి చేస్తున్నారు. సహాయం అందించదలచిన వారు ఫోన్ పే నంబర్ 7013723777 కు నేరుగా డబ్బులు పంపించాలని లక్ష్మణరావు సతీమణి కోరుతున్నారు. ప్రాణాల కోసం పోరాడుతున్న ఈ పేద ఆటో డ్రైవర్‌కు మనసున్న మానవులు చేయూతనిస్తే ఒక కుటుంబం తిరిగి వెలుగులోకి వస్తుందని కుటుంబ సభ్యులు, స్థానికులు కోరుతున్నారు.