సత్యసాయి బాబా జయంతి సందర్భంగా విద్యార్థులకు ‘దాన ధర్మ’ చేయూత
లచ్చాపురం ప్రాథమిక పాఠశాలలోని 50 మంది విద్యార్థులకు నోట్బుక్స్, పెన్నులు, స్నాక్స్ పంపిణీ
నేటి గద్దర్ న్యూస్, దమ్మపేట, నవంబర్, 22: భద్రాద్రి కొత్తగూడెం జిల్లా దమ్మపేట మండలం, లచ్చాపురం ఎస్.టి గ్రామంలోని ప్రాథమిక పాఠశాల విద్యార్థులకు దాన ధర్మ చారిటబుల్ ట్రస్ట్ చేయూత అందించింది. శ్రీ సత్యసాయి బాబా జన్మదినోత్సవాన్ని పురస్కరించుకుని ఈ ట్రస్ట్ ఆధ్వర్యంలో పాఠశాలలోని 50 మంది విద్యార్థులకు నోట్బుక్స్, పెన్నులు, చాక్లెట్లతో కూడిన స్నాక్స్ను పంపిణీ చేశారు. విద్యార్థులకు విద్యా సామగ్రి అందించే ఈ కార్యక్రమంలో దాన ధర్మ చారిటబుల్ ట్రస్ట్ జిల్లా ఇన్చార్జ్ గిద్దా కొండయ్యతో పాటు తంబళ్ల రవి, సంగం పోతురాజు, సోయం వెంకటేష్, రావుల బాబు తదితరులు పాల్గొన్నారు. వీరంతా కలిసి పిల్లలకు వస్తువులను అందజేసి కార్యక్రమాన్ని విజయవంతం చేశారు. ట్రస్ట్ పెద్దలు చేసిన ఈ సహాయానికి పాఠశాల యాజమాన్యం మరియు విద్యార్థులు ధన్యవాదాలు తెలియజేశారు.
